احوالات شهر شام
غم حوزسینده مطرح اولوندی کلام شام
شرح اولدی فصل فصل فصول مهام شام
لفظ عربده کلمه مشتقدی شومدن
لفظ عجمده عالم تار و ظلام شام
غم شدته یتیشسه دیللر گون اولدی شام
بخصوص اسیر ایچون اولا غربتده شام شام
راوی سوروشدی هانسی مصیبت اشدیدی
فرمایش ائتدی سید سجاد شام شام
شوم اولدی آل حیدره اوز شوم لفظی تک
اما یزید کافره دارالمرام شام
شامه چکنده آل پیمبر قطارینی
دوتموشدی کاروان یولونی ازدحام شام
ایلردیلر ندا یول آچون خارجی گلور
نصرت تاپوب خوارجه قائم مقام شام
بام اوسته غرفه لرده دوزولموشدی صف بصف
سیر اسیر ایتماقا اهل تمام شام
پیغمبرین اوز اوغلونا آد قویدی خارجی
بولدی اوز اهلین امت خیرالانام شام
دین ئولدوروب دیردیله بیز اهل مذهبوق
دین عالمینده ایتدی عجب فکر خام شام
تبریک ایدردی بیربیرینه اهل شهر او گون
اولموشدی دین عزاسی بیر عید عظام شام
کوچه به کوچه آل رسولی دولاندیروب
تا ملت یهود آلالار انتقام شام
گه اود توکردی عترت اطهار باشینه
گه سنگسار ایدردیله قوم لئام شام
گه سس چکوب گولردیله، گه کف وورادیلار
گه دف چالاردی فرقه بی ننگ و نام شام
قرآن ناطقین باشینی گوردی نیزه ده
غفلتدن اویمادی ملاء ذوالمنام شام
بیر حاله سالدی اشرف مخلوق عترتین
انظاره جلوه ویردی کنیز و غلام شام
بیر ظلم قالموب آل رسوله یتیش ممیش
ایتدی تمام جور و جفاسین تمام شام
آخر بنات علت ایجاد عالمه
ویردی خرابه کنجینی مسکن مقام شام
مهمان نوازلر یغشوردی خرابیه
طعن و شماتت اولموشدی احترام شام
هر بیر ستم کشیده قیز آغلاردی دردینه
شهقه چکوب گولردی الدالخصام شام
بیر چوخ مدید مدت او بیداد مرکزی
اوز ظلم بیدریغینه ویردی دوام شام
(ذهنی) بس ائت که شام کیمی ذهنون اولدی تار
یتمز تمامه نظمیله بیداد تام شام
مرحوم ذهنی (سائل)
اولدی ,آل ,شام ,تمام ,شهر ,اهل ,احوالات شهر ,شامبیر حاله ,ذوالمنام شامبیر ,حاله سالدی ,اشرف مخلوق
درباره این سایت